::":: The Queen Of Caramell ::"::

وعلى هادي الافكار نمت

صحيت الصباح فرحانه لفرح قريبتي ولبست عشان انزل السوق مع أبله امل ادور صندل لفستان فرحي

(( طبعا صندل فرحي ضاع ))

قلت لأبله امل : يلا يا ابله امل ما حنخرح

أبله امل : لا ما حنروح

طليت فيها بدهشه واستغراب وقلت لها : ليش؟

قالتلي : لانو ستك اتوفت

في هديك اللحظه حسيت انو مويه مغليه انكبت من على راسي

وانا اطل في ابله امل ومني مصدقتها

أخذتني ابله امل في حضنها وانا على وشك البكاء .. ما أبغى احد يشوفني بأبكي عمري في حياتي ما بكيت

قالتلي السواق تحت خليه يوصلك لبيت ستك أمك وابوكي هناك بيستنوكي..

ما اعرف كيف لبست عبايتي وشعري نصه باين ووجهي

ركبت اسياره وانا ابكي بلا صوت دموعي تنهمر تحت الغطاء

عدت الدقايق زي الايام

ابغى اوصل عندها بسرعه

وصلت بيتها وعندت الباب سمعت بكا الحريم

دخلت زي المجنونه ادور عليها .. لقيتها في وسط الصاله محطوطه على الارض مغطى كل جسمها بقماش ابيض الا وجهها

وجهها كان ابيض ومن كتر دموعي وبكائي ونظري المغبش حسيت انا تبتسم

أه يا قلبي .. قربت منها ولمست خدودها البارده وقبلت جبينها ..

ساعتها افتكرت حديث من احاديث الرسول صلى الله عليه وسلم فيما معناه انو روح الميت تطوف حول الجسد

وتبقى معاه الين ما يندفن .

عدت لحظات وجاء كل اولادها واحفادها

الرجال يدعوا لها بالمغفره والرحمه والحريم يبكوااا

ماعمري في حياتي بكيت قد ما بكيت اليوم هداك .. بكيت حتى جسمي سار يرجف .. بكيت حتى شفايفي زرقت

دخلوها مطبخها الكبير الي ياما طبخت لنا فيه اشهى الاكلات وغسلوها هناك

أمي منعتني من الدخول وقالت لي انو المنظر ممكن يضرني ..

لانو جسمها كان كله خيوط عمليات ..

بعد لحظات فاحت ريحة المسك والكافور من المطبخ وانفتح الباب وجابوها الصاله مره تانيه

بدأ الكل يودعها ويبوس جبينها

اتوفت الله يرحمها الساعه 9 صباحا واندفنت في بقيع الغرقد بعد صلاة الظهر

راحت  بسرعه مثل الطير الله يرحمك يا أم هاني ويسكنك فسيح جناته

هديك الايام الي مريت بيها احتجت لقلب سونتي الدافئ لحانه لعطفه

احتجت احد يطبطب عليا ويشغلني عن همي شويه

حسيت انو قلبي قسي شويه .. ما سرت اضحك وافرفش زي عادتي سرت افتكر الموت في كل لحظه واخاف منه ..

أعرف انو اسلوبي في طريقة الكتابه هادي ماهي عادتي .. بس حبيت اكون جديه شويه

حبيت اشرح احساسي احساس الألم والحزن والخوف

يلا يكفيكم هادا البلوق للأن ..

وفي البلوق الجاي حكتب عن باقي الي حصل وانا في المدينه ..

اشوفكم على خير ولا تنسوا تحطوا كومنت ..

خخخخخخخخخخخخخخخخخخخخ الي يقرا وما يحط يا ويله مني

لوووووووول

بباي